duniyaa se wafaa karake silaa Dhuundh rahe hain
ham log bhii nadaan hain ye kyaa Dhuundh rahe hain
kuchh der Thahar jaaiiye bandaa-e-insaaf
ham apane gunaahon mein Khataa Dhuundh rahe hain
ye bhii to sazaa hai ki giraftaar-e-wafaa huun
kyuun log mohabbat kii sazaa Dhuundh rahe hain
duniyaa kii tamannaa thii kabhii ham ko bhii 'Faakir'
ab zaKhm-e-tamannaa kii davaa Dhuundh rahe hain
Collecting Presented By :
