Kat Gai Ye Zindagani
Friday, February 12, 2016
Khel Ye Kya Hogaya Hans Na Sakay Ro Na Sakay
Aarzoen Dil Ki Bar Lamhe Ko Bhi Ho Na Sakay
Shikwa Kis Se Kya Karen Taqdeer Ki Hi Baat Hai
Ghaer To Hain Ghaer Apne Bhi Mere Ho Na Sakay
Unko Paanay Ka Hi Ek Armaan Bas Dil May Liye
Karwaten Badla Kiye Ham Chaen Se So Na Sakay
Kat Gai Ye Zindagani Aas Aur Ummeed May
Jism Se Unke Lipat Kar Zulfon May Kho Na Sakay
Written By :
Syed Iqtedar Hussain
Alias :
Rameez Hussain [ Bakbak ]
0 blogger-facebook