Badal Lo Raasta Apna

Sunday, July 27, 2014


Bazahir Aam Lehjay Main
Kaha Tha Main Ne Jab Us Se
"Badal Lo Raasta Apna
Juda Rahain Yaheen Ker Lo
Hamaray Chahnay Na Chahnay Se
Kuch Nahi Hota
Yahi Sach Hai K Hum Do Mukhtalif
Rasston Ke Raahi Hai
To Phir Kion Dil Ki Manain Hum
Shuru Main Manti Hoon Main
Azziyat Dil Ko Pohanchay Gi
Magar Phir Waqt Guzray Ga
Sabhi Zakhmon Ko Bhar De Ga
Meray Is Aam Se Lehjay Pe Wo
Ik Pal Ko Chonka Tha
Meri Aankhon Main Aankhain Daal Kar
Hairat Se Poocha Tha
Ye Sab Jo Keh Rahi Ho Khud Ko Ye Samjha Bhi Pao Gi?
Bohat Hi Jee Kar'da Kar K
Main Us Dam Muskurayi Thi
Bohat Khud Pe Jabar Kar Ke
Main Us Se Keh Ye Payi Thi
"Meri Tum Fikr Rehnay Do
Sambhal Jaoon Gi Main Khud Hi
Sabhi Zakhmon Ko See Loon Gi
Bhula Kar Sari Batoon Ko
Akaili Bhi Main Jee Loon Gi
Buhat Hi Be Yaqeen Aakhoon Se
Us Ne Mujh Ko Dekha Aur
Bina Ik Lafz Bolay Wo Gaya Or Phir Nahi Aaya
Aur Ab Tark_e_taalluq Ko
Agarche Umar Beeti Hai
Magar Is Dil Pe Us Ki Zaat Ka
Jo Naqsh Qaaim Tha
Kabhi Dhundla Nahi Hota
Mujhay Mehsoos Hota Hai
Ke Jaisay Meray Kanoon Main
Wo Apni Bolti Aankhoon Se
Sargoshi Si Karta Hai
"WOH SAB JO KEH RAHI THEEN
KHUD KO WOH SAMJHA BHI PAYI HO?"

Non Stop Beautiful Shayaries More Only @ Beautiful-Shayari Group

Warm & Regards :
Iqbal Sheikh
Iqbalyat@Gmail.Com

Don't Blame People
For Disappointing You
Blame Yourself For
Expecting Too Much From Them..!!

Share This Story

Tags: , , , , , ,

You Might Also Like

0 blogger-facebook

Contact Us

Name

Email *

Message *