Beautiful Shayari

Aankhon se toote hain sitaare to kya huwa

Sunday, January 20, 2013

Aankhon se toote hain sitaare to kya huwa
Chalte nahi woh saath hamare to kya huwa

Toofaan ki zad mein azm mere saath saath tha
Kashti ko mil sake na kanare to kya huwa

Tanhayion ne mujh ko gale se laga liya
Wo ban sake na Dilse hamare to kya huwa

Sau hausle hamare qadam choomte rahe
Kuchh be sukoon raat guzare to kya huwa

Manzil bhi, kaarwan bhi, musafir bhi khud raha
Saathi bane na hamare chand sitaare tu kya huwa

Collecting Presented By :

Chandni Verma

Chalo ek aur duniya mai...

Sunday, January 20, 2013

Chalo EK Aur Duniya Mein,
Tumhare Saath Chaltay Hain..

Jahan Halaat Kuch Bhi Hoon,
Magar Hum Saath Rehte Hoon..

Jahaan Mousam Koi Bhi Ho,
Judayi Ka Na Ho Lekin..

Jahan Chand Suraj Bhi Tum Ho,
Hawa,Roshnii,Khushboo Ka Rung Tum Se Ho..

Jahan Par Dil Dharakne Ka,
Har EK Ehsaas Tum Se Ho..

Jahaan Par Mere Jeene Ki,
Saari... Aas Tum Se Ho..

Chalo EK Aur Duniya Mein,
Tumhare Saath Chalte Hain....

WARM REGARDS :
Chandni Verma

Bewafa

Jiss Jaga Teri Jafa Ki Intihaa Ho Jayegi

Sunday, January 20, 2013

Jiss Jaga Teri Jafa Ki Intihaa Ho Jayegi
Sabar Ki Meray Wahaan Say Ibtidaa Ho Jayegi

Kiya Khabar Thi Zindagi Sarf-e-Duaa Ho Jayegi
Un Kay Paaney Ki Tamanna iltijaa Ho jayegi

Ham Ko Ye Ma’aloom Na Tha Qasd-e-Safar Ke Saath Hi
Tum Badal Jaogey, Duniya Bewafa Ho Jayegi

Phool Se Khushboo Uri To Uss Ko Andaza Na Tha
Woh Hawa Ke Khel Mein Khud Bhi Hawa Ho Jayegi

Faasley Barhh Jayenge Youn Ek Zara Si Baat Per
Umer Bhar Ki Dousti Youn Bey Maza Ho Jayegi

Koee To Umeed Ka Patwaar Dedo Haath Mein
Warna Naaow Zindagaani Ki Fanaa Ho Jayegi

Intezaar-e-Yaum- e-Eefaaye- e-Ehad Hota Nahee!
Aap Aajaen,Qayamat Khud Bapaa Ho Jayeg

Collecting Presented By :