Arzoo

So Bhi Jaon To Har Ek Khwaab Bura Hee Dekhun

Thursday, February 16, 2017

So Bhi Jaon To Har Ek Khwaab Bura Hee Dekhun
Mein Kin Aankho Se Dil-o-Jaa Ki Tabaahi Dekhun

Dil Ye Chaahay Ke Palat Jaon Khud Apne Ghar Ko
Jab Bhi Manzil Pe Bhataktay Howay Raahi Dekhun

TU Sehar Hai To Ufaq Se Koi Sooraj Bhi Nikaal
Mein Kahan Tak Tere Maathay Ki Siyaahi Dekhun

Jurm-e-Nakardah Gunaahi Ki Saza Ye Hai Ke Mein
Apni Sochon Ko Bhi Zanjeer Bapaa Hee Dekhun

Baar Haa Tark-e-Ta’lluq Pe Ye Socha Mein Ne
Tujh Ko Dhoondun, Teri Afsurdaah Nigaahi Dekhun

Wo Bhi Kia Shakhs H Khulta Hi Nahi Bhaid us Ka
Jab Bhi Dekhun use Duniya Se Khafaa Hee Dekhun

Kis Se Poochun Mein Pataa Apne Puraanay Ghar Ka
Ajnabi Sheher Mein Har Shakhs Nayaa Hee Dekhun

Wusat-e-Dasht Ki Tanhaayi Se Dar Lagta Hai
Koi Rehro Nahi, Taqsh-e-Kaf-e-Paa Hee Dekhun

Mere Saathi Tou Meri Saf Se Alag Thehray Hain
Apne Haq Mein Kisi Dushman Ki Gawaahi Dekhun

Mere “Mohsin” Tera Mayaar-e-Nazar Kuch Bhi Sahi
Mein Tou Insaan Ke Pekar Mein Khudaa Hee Dekhun

Beautiful Shayari

ankhon main koi khawab utarne nahi deta By Mohsin Naqvi

Thursday, February 25, 2016



Non Stop Beautiful Shayaries More Only @ Beautiful-Shayari Group

ankhon main koi khawab utarne nahi deta
ye dil ke mujhe chain se marne nahi deta

bichare tu ajab pyaar jatata hai khatoon main
mil jaye tu phir had se guzarne nahi deta

woh shakhs khazan rut main bhi mohtaat hai kitna
sookhe huye phoolon ko bikharne nahi deta

woh dil main tabassum ki kiran gaholne wala
roothe tu ruton ko bhi sanwarne nahi deta

main uss ko manaon ke gham-e-deher se uljhon?
mohsin woh koi kaam bhi karne nahi deta

** By Mohsin Naqvi **

Collecting & Presented By :
Smart Boy
   

Beautiful Shayari

Seeney se Lipat Ja Mere Khwabon se nikal Kar By Mohsin Naqvi

Tuesday, February 23, 2016


Non Stop Beautiful Shayaries More Only @ Beautiful-Shayari Group 


Non Stop Beautiful Shayaries More Only @ Beautiful-Shayari Group

Seeney se Lipat Ja Mere Khwabon se nikal Kar
Ik baar milein Hum bhi hijaabon se nikal Kar

Kirnon ki tarha baant zamaney mein Ujaala
Khushbu ki tarha Phael Gulabon se nikal Kar

Mai-Khanon Ki Soorat hain Teri Jheel si Aankhein
Doobey hain Jahan loog Shrabon se Nikal Kar

Mujh ko bhi gawara Nahin ab tujh se Bicharna
Dil bhi hai Pareshan Saraabon se nikal Kar

Rehney do abhi gardish-e-doraan mein he MohsiN
Behley gi tabiyat na Azaabon se nikal Kar...........!!

** Mohsin Naqvi **

Collecting & Presented By :
Smart Boy
   

Collection Shayari

Ankhon main koi khawab utarne nahi deta

Thursday, June 27, 2013

Collection Shayari

Seeney se Lipat Ja Mere Khwabon se nikal Kar

Sunday, June 23, 2013

Dard Shayari

Humare baad chali rasm-e-dosti k nahi?

Wednesday, March 14, 2012

Contact Us

Name

Email *

Message *