Khel Ye Kya Hogaya Hans Na Sakay Ro Na Sakay
Aarzoen Dil Ki Bar Lamhe Ko Bhi Ho Na Sakay
Shikwa Kis Se Kya Karen Taqdeer Ki Hi Baat Hai
Ghaer To Hain Ghaer Apne Bhi Mere Ho Na Sakay
Unko Paanay Ka Hi Ek Armaan Bas Dil May Liye
Karwaten Badla Kiye Ham Chaen Se So Na Sakay
Kat Gai Ye Zindagani Aas Aur Ummeed May
Jism Se Unke Lipat Kar Zulfon May Kho Na Sakay
Written By :
Syed Iqtedar Hussain
Alias :
Rameez Hussain [ Bakbak ]
Main Jab Bhi Siney Se Apne Tujhe Laga Longa
Sukoon Dono Jahanaon Ka Pal May Paa Longa
Ye Mere Rome Rome Pe Tera Khabza Hoga
Main Apne Khoon-e-Jigar May Tujhe Basa Longa
Rehaai Tujh Ko Milegi Nahin Meri Jaan Se
Main Teri Zulfon May Khud Aapko Uljha Longa
Dukhon Ka Tujh Ko Pata Hi Nahin Chalne Donga
Main Apne Gosha-e-Dil May Tujhey Bitha Longa
Written by Syed Iqtedar Hussain - Alias: Rameez Bakbak
RAMEEZ BAKBAK
Haal-e-Dil Apna Tumhen Jaan Bataon Kaese
Banhon May Leke Tumhen Apni Sataon Kaese
Siney May Hool Si Uthti Hai Tumhen Paane Ki
Aag Bhadke Jo Milan Ki To Bujhaon Kaese
Tum Se Ab Door Bade Karb May Din Kate Hain
Bin Tumhare Main Ab Is Dil Ko Lubhaon Kaese
Sansen Bhi Doobti Ubharti Hain Ab Siney May
Bin Tere Jaan-e-Jaan Sukh Chaen Ko Paon Kaese
Duriyan Apni Ye Mit Jaaen Duaen Karna
Yon Tere Hijr May Main Khud Ko Bachaon Kaese
Ae Khuda Mujh Ko Mila De Meri Jaan-e-Jaan Se
Us Ke Bin Apna Ye Jiwan Main Bitaon Kaese
Written By :
Syed Iqtedar Hussain 
Alias :
Rameez Hussain [ Bakbak ]
Main Bhi Diwana Pari Ki Umeed Kar Baetha
Husn Ki Dewi Hai Wo, Aur Uspe Mar Baetha
Ye Bhi Na Soncha Nahi Jood Taat Maqhmal Ka
Hoon Amawas Magar Punam Ki Aas Kar Baetha
Dosh Uska Nahin Hai Koi, Main Hi Diwana
Apni Auqhat Se Badhkar Umeed Kar Baetha
Ishq Ke Khel May Nasoor Ban Gaya Jiwan
Maut Ki Caah Hai, Jine Se Dil May Dar Baetha
Ae Khuda Mere Mujhe Bakhsh Mujhe Maafi De
Bandagi Bhole Se Bande Ki Hi Main Kar Baetha
Written By :
Syed Iqtedar Hussain
Rameez Hussain [ Bakbak ]
