Tum Mujhe Bhool Bhi Jaao To Ye Haq Hai Tumko
Meri Baat Aur Hai Main Ne To Muhabbat Ki Hai

Mere Dil Ki Mere Jazabaat Ki Qeemat Kya Hai
Uljhe Uljhe Se Khayalaat Ki Qeemat Kya Hai
Mai Ne Kion Pyar Kia, Tum Ne Na Kion Pyar Kia
In Pareshaan Sawalaat Ki Qeemat Kyaa Hai
Tum Jo Ye Bhi Na Bataao To Ye Haq Hai Tumko
Meri Baat Aur Hai Main Ne To Muhabbat Ki Hai
Tum Mujhe Bhool Bhi Jaao To Ye Haq Hai Tumko

Zindagi Sirf Muhabbat Nahi Kuch Aur Bhi Hai
Zulf-O-Rukhsaar Ki Jannat Nahi Kuch Aur Bhi Hai
Bhookh Aur Pyaas Ki Maari Hui Is Duniya Men
Ishq Hi Ek Haqeeqat Nahi Kuchh Aur Bhi Hai
Tum Agar Aankh Churaao To Ye Haq Hai Tumko
Mai Ne Tum Se Hi Nahi, Sab Se Muhabbat Ki Hai

Tumko Duniya Ke Gham-O-Dard Se Fursat Na Sahi
Sab Se Ulfat Sahi, Mujh Se Hi Muhabbat Na Sahi
Main Tumhari Hoon, Yahi Mere Liye Kya Kum Hai
Tum Mere Ho Ke Raho, Ye Meri Qismat Na Sahi
Aur Bhi Dil Ko Jalaao To Ye Haq Hai Tumko
Meri Baat Aur Hai, Main Ne To Muhabbat Ki Hai
Tum Mujhe Bhool Bhi Jaao To Ye Haq Hai Tumko

Best Regards From :
Iqbal Sheikh
Email Me At : Iqbalyat@Gmail.Com