Beautiful Shayari

Woh hijr thehra, Visaal thehra
Kya aadmi tha kamaal thehra

Afsurdgi k her ik nagar mein
Woh qehqahon ki misaal thehra

Woh kis ki khatir guzar geya hai
Sab ki khaatir sawaal thehra

Haan us k lehje ki taazgi se
Jo khawb tha woh khayal thehra

Kahan se laain rafeeq tujh sa
Mohabbaton mein zawaal thehra

Tu ne hum ko yeh dukh diya hai
K ab to jeena muhaal thehra. . .

Collecting Presented By :

   

Kitabon mein mere fasaane dhundhte hain
Nadaan hain, guzre zamane dhundhte hain

Jab woh the, talaash-e-zindagi bhi thi
Ab to maut ke thikane dhoondhte hain

Kal khud hi apni mehfil se nikala tha
Aaj hue se diwane dhundhte hain

Musafir bekhabar hain teri aankhon se
Tere shahar me maykhane dhoondhte hain

Tujhe kya pata E-sitam dhaane wale
Tere diye zakhmon me pyar ke nazraane dhoondhte hain

nikal aate hain ashq hanste hanste
hum to rone ke bahane dhoondhte hain

Collecting Presented By :

   

soz-e-Gam deke mujhe us ne ye irshaad kiyaa
jaa tujhe kash-ma-kash-e-dahar se aazaad kiyaa

vo kare.n bhii to kin alfaaz me.n teraa shikavaa
jin ko terii nigaah-e-lutf ne barbaad kiyaa

dil kii choTo.n ne kabhii chain se rahanaa na diyaa
jab chalii sard havaa mai.n ne tujhe yaad kiyaa
[sard=cold]

aise me.n mai.n tere taj-takalluf pe nisaar
phir to farmaaye vafaa aap ne irshaad kiyaa
[taj-takalluf=to give up/sacrifice formality/reticence; irshaad=to show the way]

is kaa ronaa nahii.n kyo.n tumane kiyaa dil barbaad
is kaa Gam hai ki bahut der me.n barbaad kiyaa

itanaa maasuum huu.N fitarat se, kalii jab chaTakii
jhuk ke mai.n ne kahaa, mujhase kuchh irashaad kiyaa
[fitarat=nature; irashaad=to speak]

merii har saa.Ns hai is baat kii shaahid-e-maut
mai.n ne har lutf ke mauqe pe tujhe yaad kiyaa
[shaahid-e-maut=witness of death]

mujhako to hosh nahii.n tumako Khabar ho shaayad
log kahate hai.n ki tumane mujhe barbaad kiyaa

vo tujhe yaad kare jisane bhulaayaa ho kabhii
hamane tujh ko na bhulaayaa na kabhii yaad kiyaa

kuchh nahii.n is ke sivaa 'Josh' hariifo.n kaa kalaam
vasl ne shaad kiyaa hijr ne naashaad kiyaa

[hariifo.n=rivals; kalaam=words/conversation; vasl=union/meeting]
[shaad=happy; hijr=separation; nashaad=unhappy]

Collecting Presented By :

   

chaman roye haNse shabanam biyaabaaN par nikhaar aaye
ek aisaa bhii nayaa mausam mere paravar-digaar aaye

vo sar khole hamaarii laash par diivaanaavaar aaye
isii ko maut kahate hai.n to yaa rab baar baar aaye

sar-e-gor-e-GariibaaN aao lekin ye guzaarish hai
vahaaN muuNh pher kar ronaa jahaaN meraa mazaar aaye

bahaa ai chashm-e-tar aisaa bhii ek aaNsuu nadaamat kaa
jise daaman pe lene rahamat-e-paravar-digaar aaye

qafas ke ho liye ham to magar ai ahal-e-gulashan tum
hamen bhii yaad kar lenaa chaman men jab bahaar aaye

na jaane kyaa samajh kar chup huuN ai sayyaad main varnaa
vo qaidii huuN agar chaahuuN qafas men bhii bahaar aaye

"Qamar" dil kyaa hai main to un kii Khaatir jaan bhii de duuN
merii qismat agar un ko na phir bhii aitabaar aaye

Collecting Presented By :

   

Ehsas Badal Jate Hain Bus Aur Kuch Nahi,
Werna Mohabbat Aur Nafrat Aik He Dil Se Hoti Hai





Samajh Ke Maal-e-Ghaneemat Mujh Ko.
Teri Yaadon Ne Be-Panah Loota.



WARM REGARDS Collecting By :
Azhar Malik

Tamanna Phir Machal Jaye Agar Tum Milne Aajao
Ye Mousam Hi Badal Jaye Agar Tum Milne Aajao

Mujhe Ghum Hai Ki Meine Zindagi Men Kuch Nahi Paya
Yeh Ghum Dil Se Nikal Jaye Agar Tum Milne Aajao

Nahi Milte Ho Mujhse Tum Toh Sab Humdard Hain Mere
Zamana Mujhse Jal Jaye Agar Tum Milne Aajao

Yeh Duniya Bhar Ke Jhagde Ghar Ke Qisse Kaam Ki Baatein
Bhala Har Ek Tall Jaye Agar Tum Milne Aajao



WARM REGARDS Collecting By :
Mrs Rubina Yasmeen

اجلِ ہنگام سے پہلے
اندھیری شام سے پہلے
تمہارا نام لیتے ہیں
سبھی کے نام سے پہلے
اُسے کہنا
ایسے کب بُھلاتے ہیں محبت کو
کئی برسوں کی قُربت کو
گئے بچپن کی محبت کو
اگر اس شہر سے گزرو
تو اے کُونجو، اُسے کہنا
در سبھی، ابھی وا ہیں
میرے گھر آتی راہوں‌ کے
یہ حلقے میری بانہوں‌ کے
اگر ممکن ہو تو لوٹ آئے
سوادِ شام سے پہلے
کسی انجام سے پہلے
کُھلی آنکھوں سے اُسے دیکھوں
اجلِ ہنگام سے پہلے