Yaro kaha'n tak aur mohabbat nibhao

Sunday, May 19, 2013

Yaro kaha'n tak aur mohabbat nibha'o'n mai
Do mujhko badd dua k usey bhool jaoo'n mai

Sunta hoo'n abb kisi se wafa karr raha hai wo
Ai zindagi khushi se kahee'n marr na jaoo'n mai

Ik shabb bhi wasl ki na mera sath de saki
Ahd e firaq aa k tujhey aazmaoo'n mai

Dill to jala gaya hai wo shoa'la sa aadmi
Abb kiss ko chhoo k hath bhi apna jalaoo'n mai

Utra hai baam se koi ilhaam ki tarah
Jee chahta hai sari zamee'n ko sajaoo'n mai

Uss jaisa naam rakkh k agar aaye maut bhi
Hans kar usey QATEEL galey se lagaoo'n mai.

Collecting Presented By :