Jab Say Ahsaas Kay Shouloon Ne....

Sunday, February 03, 2013

Jab Say Ahsaas Kay Shouloon Nay Bharakna Seekha
Shama -e- Zeest Nay Har Aan Pighalna Seekha

Teri Qurbat Nay Jalaey Thay Jo Is Dil Main Charag
Teri Doori Say Charagoon Nay Bharakna Seekha

Ak Sannata Tha , Weeraan Thi Guzargah -e- Hayat
Janay Kab Dil Nay Mohabbat Ko Samajna Seekha

Aqal Walay Bhi Jaha Thokarain Kha Kha Kay Geray
Ham Nay Us Rah Say Darasal Sambhalna Seekha

Dil Ke Har Baat Negahoon Say Ayaan Hote Hai
Yah Nazer Milnay Pay Is Dil Nay Samajna Seekha

Saher -e- Ulfat Say Nekal Paya Na Zohra Wo Kabhi
Jis Nay Is Raaz -e- Mohabbat Ko Samajna Seekha

Collecting And Presented By :