Jinhe main DhunDhata tha asmaano me..
Sunday, February 03, 2013
jinhen main DhuuNDhataa thaa aasmaanon men zamiinon men
vo nikale mere zulmat-e-Khaanaa-e-dil ke makiinon men
mahiine vasl ke ghaDiyon kii suurat uDate jaate hain
magar ghaDiyaaN judaa_ii kii guzaratii hai mahinon men
mujhe rokegaa tuu ai naaKhudaa kyaa garq hone se
ki jin ko Duubanaa hai Duub jaate hain safiinon men
jalaa sakatii hai sham-e-kushtaa ko mauj-e-nafas un kii
ilaahii kyaa chhupaa hotaa hai ahal-e-dil ke siinon men
tamannaa dard-e-dil kii ho to kar Khidamat faqiiron kii
nahiin milataa ye gauhar baadashaahon ke Khaziinon men
muhabbat ke liye dil DhuuNDh ko_ii TuuTanevaalaa
ye vo mai hai jise rakhate hain naazuk aab_giinon men
buraa samajhuuN unhen mujh se to aisaa ho nahiin sakataa
ki main Khud bhii to huuN "Iqbal" apane nuktaachiinon men
[zulmat-e-Khaanaa-e-dil = darkened house that is (my) heart]
[makiin = resident]
[naaKhudaa = boatsman; garq = drowning; safiinaa = boat]
[sham-e-kushtaa = extinguished candle/flame]
[mauj-e-nafas = waves of (one's) breath]
[gauhar = pearl; Khaziino.n = riches/treasure]
[aab_giinaa = delicate decanter (wine container) made of glass]
[nuktaachii.n = critic]
Collecting And Presented By :
0 blogger-facebook