Mera khamosh rehkar
Friday, March 01, 2013
mera khamosh rehkar bhi unhen sab kuch suna dena
zabaan se kuch na kehna dekh kar aansu baha dena
zabaan se kuch na kehna dekh kar aansu baha dena
nasheman ho na ho ye to falak ka mashghala thehra
ki do tinke jahaan par dekhna bijli gira dena
ki do tinke jahaan par dekhna bijli gira dena
ijaazat ho to keh duun qissa-e-ulfat sar-e-mehfil
mujhe kuch to fasaana yaad hai kuch tum suna dena
mujhe kuch to fasaana yaad hai kuch tum suna dena
main mujrim huun mujhe iqraar hai jurm-e-mohabbat ka
magar pehle khata par ghaur kar lo phir saza dena
magar pehle khata par ghaur kar lo phir saza dena
main is haalat mein pahuncha hasharwale pukaar uthe
koi faryaad karne aa raha hai raasta dena
koi faryaad karne aa raha hai raasta dena
0 blogger-facebook