ye baat ab bhi nahin hai kisi se kahane ki
Sunday, June 02, 2013
tere baGair ye ab zindagi kahan guzare
qadam qadam pe tere saath kaa guman guzare
ye din jo dhire se phisalaa to shaam ke manzar
tere baGair udaasi ke daramiyan guzare
vo ashk hun ki sar-e-rah gir gaya thaa kabhi
uTha saka na koi kitane karavan guzare
main Khushk hoke bikharata raha hun pairon mein
bahut zamana hua mujh pe kashtiyan guzare
tere badan ka alao ho meri saanson mein
kabhi vo lamha bhi ik baar jaan-e-jaan guzare
ye baat ab bhi nahin hai kisi se kahane ki
tamaam sajde tere dar se rayagan guzare
WARM REGARDS Collecting By :
Akhtar khatri
*****help what we can with others in need...the world is ONE big family*****
0 blogger-facebook