meri khamoshiyon mein bhi fasana dhoondh leti hai
Thursday, July 25, 2013
meri khamoshiyon mein bhi fasana dhoondh leti hai
badi shatir hai ye duniya bahana dhoondh leti hai
hakeekat zid kiye baithi hai chaknachur karne ko
magar har aankh phir sapna suhana dhoondh leti hai
uthati hai jo khatra har kadam par doob jaane ka
wahi koshish samundar mein khajana dhoondh leti hai
na chidiya ki kamai hai na karobar hai koi
wo keval haunsle se aabodana dhoondh leti hai
junoon manjil ka rahon mein bachata hai bhatakne se
meri deewangi apna thikana dhoondh leti hai
WARM REGARDS Collecting By :
Akhtar khatri
*****help what we can with others in need...the world is ONE big family*****
0 blogger-facebook