duur tak ret ke samandar hain
Saturday, January 05, 2013
kuchh ajab zindagii ke manzar hain
duur tak ret ke samandar hain
merii hii roshanii ke paikar hain
chand shaklein jo dil ke andar hain
dil jo Thahare to kuchh suraaG mile
qarz kis kis nazar ke ham par hain
hai barDii chiiz naazukii dil kii
kis se kahiye ki log patthar hain
khul gaii aaNkh to khulaa ham par
Khvaab bedaariyoun se bahatar hain
Khaamushii Khud hai ek gaharaaii
chup hain jo log ve samandar hain
zaKhm par kyaa guzar gaii 'Shayar'
rezaa rezaa tamaam nashtar hain
WARM REGARDS Collecting By,
Akhtar khatri
*****help what we can with others in need...the world is ONE big family*****
0 blogger-facebook