Kabhi Jo Ehad-E-Wafa Meri Jaan....
Monday, January 21, 2013
Kabhi Jo Ehad-E-Wafa Meri Jaan, Teray Meray Darmiyan Tootay
Main Chahta Hoon Ke Issay Pehlay Zameen Pe Ye Aasmaan Tootay
Teri Judaii Main Hosloon Ki Shikast, Dil Par Azaab Tehri
Ke Monh-zoor Zal'zalo’on Ki Dhamak Se Koi Chattaan Tootay
Usay Yaqeen Tha Ke Usko Marna Hai, Phir Bhi Khwahish Thi Uskay Dil Main
KeTeeer Chalnay Se Paish'tar Dast-E-Dushmanaa'n Ki Kamaa'n Tootay
Sabhi Daleelain Sambhaal Kar Bhi Meray Wakeelo Ye Soch Lena
Waheen Pe Meri Shikast Hogi Jahan Bhi Mera Bayaan Tootay
Fana Ke Teelay Par Khema-E-Jaan,, Hawa Ke Jhonkay Se Yun Gira
Ke Jaisay Bad-Qistmati Se Buzdil Shikariyo'on Ki Machaan Tootay
Woh Sang Hai To Giray Bhi Dil Par, Wo Aaina Hai To Chubh Hi Jaye
Kaheen To Mera Yaqeen Bikhray, Kaheen To Mera Gumaan Tootay
Ujaar Bann Ki Udaas Rutt Main, Ghazal “Mohsin” Ne Chair Di
Kisay Khabar Hai Ke Kis Ke Masoom Dil Pe Ab Ke Ye Taan Tootay…!!!
Collecting Presented By :
0 blogger-facebook