kisii baat ko jo kahaa kabhii use chuTakiyo.n me.n u.Daa diyaa.
Tuesday, January 01, 2013
pas-e-marg mere mazaar par jo chiraaG kisii ne jalaa diyaa
use aah daaman-e-baad ne sare shaam hii se bujhaa diyaa
mujhe dafn karanaa tuu jis gha.Dii to ye us se kahanaa ki ai parii
vo jo teraa aashiq-e-zaar thaa tah-e-Khaak use dabaa diyaa
dam-e-Gusl se mere peshtar use ham_damo.n ne ye soch kar
kahii.njaave us kaa na dil dahal merii laash par se haTaa diyaa
merii aa.Nkh jhapakii thii ek pal mere dil ne chaahaa ki uTh ke chal
dil-e-beqaraar ne o miyaa.N vahii.n chuTakii leke jagaa diyaa
zaraa un kii shoKhii to dekhiye liye zulf-e-Kham_shudaa haath me.n
mere piichhe aaye dabe-dabe mujhe saa.Np kah ke Daraa diyaa
mai.n ne dil diyaa mai.n ne jaa.N dii magar aah! tuune na qadr kii kisii baat ko jo kahaa kabhii use chuTakiyo.n me.n u.Daa diyaa.
WARM REGARDS Collecting By,
Akhtar khatri
*****help what we can with others in need...the world is ONE big family*****
ALL THE MAILS POSTED BY ME R NOT MY PROPERTY, ALL R TAKEN FROM NET, IF SOMETHING IS COPYRIGHTED PLZ INFORM ME, SO THAT I MAY NOT POST THE MATERIAL IN THE FUTURE
0 blogger-facebook