chale the hum teri mehfil mein muskuraane ko
Friday, August 09, 2013
chale the hum teri mehfil mein muskuraane ko
ye baat ghair munasib lagi zamaane ko
mizaaj'e saaz'e muhabbat mein dilkashi hai bahut
nazar lage na kahin tere gungunaane ko
rah'e talab mein sukooN ki talaash thi lekin
mile ho tum tou faqat mera jee jalaane ko
hawaa'e tund mein hum dekhte hi rehte haiN
kabhi chaman ko kabhi apne aashiyaane ko
chaman mein ahle chaman kyun na khush raheiN janaaN
bahaar aayi hain lekin mujhe rulaane ko
Collecting Presented By :
0 blogger-facebook