Niiyat-E-Shauq Bhar Na Jaaye Kahin
Friday, August 23, 2013
niiyat-e-shauq bhar na jaaye kahiin
tuu bhii dil se utar na jaaye kahiin
aaj dekhaa hai tujhe der ke baad
aaj kaa din guzar na jaaye kahiin
na milaa kar udaas logo.n se
husn teraa bikhar na jaaye kahiin
aarazuu hai ke tuu yahaa.N aaye
aur phir umr bhar na jaaye kahiin
jii jalaataa huu.N aur ye sochataa hun
raayegaa.N ye hunar na jaaye kahiin
aao kuchh der ro hii le.n 'Nasir'
phir ye dariyaa utar na jaaye kahiin
Collecting By :
Aleena
0 blogger-facebook