Us adaa se b hoon main aashna
Wednesday, August 21, 2013
Us adaa se b hoon main aashna,
Tujhe itna jis pe ghuroor hai..
Main jiyon ga tere baghair bhi,
Mujhe zindgi ka shaoor hai..
Na hawas mujh main janaab ki,
Na talab saba-o-shabaab ki..
Tere chashm-e-naaz ki khair ho,
Mujhe bin paaye hi saroor hai..
Jo samajh le mujhe bewafa,
Tu is mein meri kya khata..
Ye khayal hai tere dimagh ka,
Yeh teri nazar ka qasoor hai..
Main nikal k bhi tere naam se,
Na giron ga apne muqaam se..
Main qateel-e-sitam sahi magar,
Mujhe tum se ISHQ zaroor hay....!!
0 blogger-facebook