Kab yaad mein tera saath nahi, kab haath mein haath nahi
Friday, August 30, 2013
Kab yaad mein tera saath nahi, kab haath mein haath nahi
sadd shukr ke apni raato'n mein, ab hijr ki koi raat nahi
mushkil hai agar haalaat wahaan, dil bech aayeein jaan de aayein
dilwaalo'n kooch-e-jaana mein, kya aise bhi haalaat nahi
jis dhaj se koi maqtal mein gaya, wo shaan salaamat rehti hai
ye jaan to aani-jaani hai, iss jaan ki to koi baat nahi
maidaan-e-wafa darbaar nahi, yaa'n nam-o-nafas ki pooch kahaan
aashiq to kisi ka naam nahi, kuch ISHQ kisi ki zaat nahi
gar baazi ISHQ ki baazi hai, jo chaaho laga do darr kaisa
gar jeet gaye to kya kehna, haare bhi to baazi maat nahi.
Collecting Presented By :
0 blogger-facebook