Teri saanson me gulaabon ki mahek lagti hai

Wednesday, August 21, 2013

Teri saanson me gulaabon ki mahek lagti hai,
Husn jis rang main ho teri jhalak lagti hai,

Shaam hote he nigaahon main utar aate ho,
Dil ki dharrkan tere pairon ki dhamak lagti hai,

Jese guzra ho abhi tu mere darwaaze se,
Ab hawaa bhi teri aahat ki khanak lagti hai,

Kisi baarish k baraste he jo ghir aati hai,
Teri aankhon main wo rangon ki dhanak lagti hai,

Jaane kyon wo meri aankhon ko bhala lagta hai,
Jis k chehre pe zara teri jhalak lagti hai...!!!

Collecting Presented By :